Чингис хот-Бэрх чиглэлийн авто замын ажил эхэллээ.

Чингис хот-Бэрх чиглэлийн авто замын ажил эхэллээ.

Мэдээ, мэдээлэл

May 06, 2019

1467

Ерөнхий сайд У.Хүрэлсүхтэй хамт УИХ-ын гишүүн, ЗГХЭГ-ын дарга Л.Оюун-Эрдэнэ Хэнтий аймагт томилолтоор ажиллаж байна. Тэрээр өнөөдөр Чингис хот-Бэрх чиглэлд шинээр тавигдах хатуу хучилттай авто замын ажлын явцтай танилцлаа. Тус замын гүйцэтгэгчээр “Анандын зам”, “Наранбулаг-Хан” ХХК-иудын түншлэл шалгараад байгаа юм. Замын ажил өнөөдрөөс буюу 05 дугаар сарын 06-наас эхлэж байгаа тухай компаний удирдлагууд Л.Оюун-Эрдэнэ сайдад танилцуулсан юм. Уг замыг ирэх 11 дүгээр сарын 01 гэхэд ашиглалтанд хүлээлгэж өгөх боломжтой гэлээ.
Харин ЗГХЭГ-ын дарга Л.Оюун-Эрдэнэ төсөв, хөрөнгө гацах, саатах вий гэдэгт санаа зовохоос илүүтэй замын чанарт анхаарч, товлосон хугацаандаа ашиглалтанд оруулах нь чухал гэдгийг онцоллоо.

Мөн ирэх жил Хэнтий аймагт “Өндөрхаан”, “Дадал” гэсэн 2 нисэх буудлыг ашиглалтанд оруулах гэж байна. Мөн хэд хэдэн сумыг хамарсан томоохон цогцолборуудыг ашиглалтанд оруулна. Тэгэхээр гадаад, дотоодын аялагч, жуулчдын урсгал ихсэнэ гэсэн үг. Тийм учраас Хэнтий аймгийн түүхэн газруудад хүрэх хатуу хучилттай авто замын хэрэгцээ, шаардлага их болно. Ер нь түүхэн аялал жуулчлал бол Хэнтий аймгийн сумдаас гадна ОХУ-ын зарим бүс нутагтай холбогдох учраас зөвхөн Монгол улсын асуудал биш, Монгол туургатныг хамрах, тэднийг даллан дуудах томоохон асуудал болж байгаа юм. Энэ хэрээр гаднаас ирэх жуулчдын урсгал нэмэгдэх тооцоо байгаа. Тэгэхээр ийм түүхэн, чухал бүтээн байгуулалтанд гар бие оролцож байгаагаараа Та бүхэн бахархах хэрэгтэй. Товлосон хугацаандаа замаа ашиглалтанд оруулаарай. Та бүхэнд би итгэж байна.” гэлээ.