76 мянган хүүхдэд хүүхдийн мөнгийг нэмж олгоно.

76 мянган хүүхдэд хүүхдийн мөнгийг нэмж олгоно.

Мэдээ, мэдээлэл

June 04, 2019

1887

Хүүхдийн мөнгө авах хүсэлтээ өгсөн өрхийн амьжиргааны судалгаагаар 670 гэсэн босго оноонд багтаж байгаа 76 мянган хүүхдэд хүүхдийн мөнгийг нэмж олгоно. Тэрнээс биш хүсэлт өгсөн хүүхэд бүрт хүүхдийн мөнгө олгох санхүүгийн эх үүсвэр байхгүй. Нэмэлт төсөв санхүүжилтэндээ тааруулж олгоно гэж Хөпдөлмөр нийгмийн хамгааллын сайд С.Чинзориг мэдээллээ.

Тодруулбал: Өнгөрсөн оны долоо, наймдугаар сард хүсэлт гаргаж, бүртгүүлж, материалаа өгсөн бол дахиж хүсэлт гаргахгүйгээр хүүхдийн мөнгөө авах боломжтой. Өөрсдөө Хөдөлмөр, халамж үйлчилгээний хэлтэстээ очоод, хүүхдийн мөнгө авах хүсэлт нь өрхийн мэдээллийн санд орсон байна уу, үгүй юу гэдгээ тулгаад, баталгаажуулах хэрэгтэй. Хэрвээ 2018 оны долоо, наймдугаар сард хийсэн судалгаанд хамрагдаагүй үлдсэн өрх байвал дүүргийнхээ болон аймаг, сумын хөдөлмөр, халамж үйлчилгээний ажилтанд хүүхдийн мөнгөн тэтгэмж авах хүсэлтээ илэрхийлэх боломжтой. Түүний дараа бид амжиргааны түвшнийг тогтоож буй 670 гэсэн оноогоор шалгуур тавьж үзээд, мөнгөн тэтгэмж олгоно. Хүүхдийн мөнгө нэмж олгоход 12.3 тэрбум төгрөг шаардлагатай байгаа. Энэ мөнгийг ХНХ-ын батлагдсан нөөцөөс олгох боломжтой гэж үзсэн гэж тэрээр тайлбарласан юм.