Ойн бүсэд зориулалт бусаар ашиглаж байгаа газрыг чөлөөлнө.

Ойн бүсэд зориулалт бусаар ашиглаж байгаа газрыг чөлөөлнө.

Мэдээ, мэдээлэл

October 15, 2022

834

Ховд аймгийн Засаг дарга Э.Болормаа "Ойн бүсэд зориулалт бусаар ашиглаж байгаа газрыг чөлөөлнө" гэдгээ мэдээллээ. 

Тэрээр "Ойн “бүс-д эрх мэдэл бүхий албан тушаалтнууд газар эзэмшдэг шударга бус тогтолцоо байгааг иргэд, олон нийт шүүмжилдэг.

Аймгийн Засаг даргаар томилогдсоноос хойших сар гаруйн хугацаанд мэргэжлийн байгууллагатай хамтран судалгаа, хяналт шалгалтыг хаалттай түвшинд явууллаа.

Ажлын үр дүн, асуудал нэгэнт тодорхой болсон учир олон нийтэд мэдээлэх нь зүйтэй. 

 Ойн бүсэд нийт 37 иргэн, аж ахуйн нэгж 31.1 га газар эзэмшдэг. Үүнээс 25 иргэн, аж ахуйн нэгж 19.9 га талбайг зориулалт бусаар ашиглаж байгаа нь мэргэжлийн хяналтын газрын улсын байцаагчийн дүгнэлтээр тогтоолоо.

 Энэхүү дүгнэлтийг үндэслэн хуулийн дагуу сонсгол явуулж зөрчилтэй иргэн, аж ахуйн нэгжийн газар эзэмших зөвшөөрлийг цуцлах чиглэлийг холбогдох албаныханд өглөө.

 Үлдсэн буюу зориулалтын дагуу ашиглаж байгаа 12 иргэн, аж ахуйн нэгжийн захиралтай хэлэлцээр хийж, шаардлагатай бол дүйцүүлэлт, нөхөн олговрын асуудлыг ярилцаж шийдвэрлэхийг зөвлөв.

 Цаашид "ОЙН БҮС-ийг олон нийтийн соёл амралтын цэцэрлэгт хүрээлэн болгохоор төлөвлөж байна. Энэ зорилтын хүрээнд ажлын хэсэг байгууллаа. Хэрхэн яаж тохижуулах талаар иргэд олон нийтийн дунд нээлттэй хэлэлцүүлэг өрнүүлнэ.

Хотын тохижилт, ая тухтай орчинд амьдрах иргэдийн эрх ашигтай холбоотой энэ асуудалд Жаргалант сумынхан зоригтой шийдвэр гаргаж манлайлан оролцож байгаад талархаж байна гэсэн юм.