Энэ онд 3.5 саяаас доош орлоготой айлын хүүхдүүдэд хүүхдийн мөнгө олгоно

Энэ онд 3.5 саяаас доош орлоготой айлын хүүхдүүдэд хүүхдийн мөнгө олгоно

Мэдээ, мэдээлэл

January 01, 2023

105

УИХ-аас хүүхдийн 100,000 төгрөгийг ирэх онд үргэлжлүүлэн олгохоор баталсан. Ингэхдээ өндөр орлоготой, чинээлэг өрхийг хүүхдийн мөнгөн тэтгэмжээс татгалзаж, тэтгэмж зайлшгүй шаардлагатай өрхүүдийг хамруулахаар болсон. Цаашдаа хүүхдийн мөнгийг халамжийн хэлбэрт оруулсан учраас хүүхдэд зориулагдсан хоол хүнс, тэжээлийн бүтээгдэхүүн зөвхөн тэр картаар хийгддэг системийг нэвтрүүлэх боломжтой гэж үзэж байгаа аж. Энэ хүрээнд ирэх оны төсөвт 1 их наяд 394.6 тэрбум төгрөгийг нийт хүүхдийн 91 хувьд буюу сарын 3.5 саяас доош орлоготой өрхөд олгохоор тусгасан.
2023 оны улсын төсвийн төсөлд хүүхдийн мөнгөн тэтгэмжийг архи, тамхины хэрэглээнд зарцуулагдахгүй байх нөхцөлийг бүрдүүлэх бодлогыг мөн тусгасан байна.
Өөрөөр хэлбэл, хүүхдийн мөнгийг картаар олгох, карт НӨАТ-ын баримтаараа хянагдаад архи, тамхины худалдаа хийхэд уншигддаггүй байх зохицуулалтыг хийх бүрэн боломж манай татварын системд бий болжээ.
Хүүхдийн мөнгө авах хүсэлтээ ээж аавууд emongolia цахим системээр орж илгээх хэрэгтэй. Хүсэлт илгээгээгүй бол мөнгө нь орохгүй гэдгийг анхаарууллаа.