Хүчтэй шуурга, борооны улмаас унасан тулгуур багануудыг маргааш засварлаж дуусна

Хүчтэй шуурга, борооны улмаас унасан тулгуур багануудыг маргааш засварлаж дуусна

Мэдээ, мэдээлэл

June 28, 2023

1187

Энэ сарын 25-ны өдрийн 18 цаг 37 минутад хүчтэй салхи, аадар борооны улмаас Булган-Хархорин чиглэлийн 110 кВ-ын 24 тулгуур баганууд унасан. Тус гэмтлээс үүдэж Архангай, Өвөрхангай, Баянхонгор, Булган, Төв, Дундговь, Өмнөговь аймгуудын 82 сум цахилгаан эрчим хүчээр хязгаарлагдаад байсан юм.

Байгалийн давагдашгүй хүчин зүйлийн улмаас үүссэн гэмтлийг сэргээн засварлахаар Цахилгаан дамжуулах үндэсний сүлжээ ТӨХК-ийн 150 хүн, 40 орчим техник хэрэгсэлтэйгээр 24 цагаар ажиллаж байна.
Өнөөдрийн байдлаар 24 тулгуураас 19 тулгуурыг сэргээн босгож, ажлын явц 90 орчим хувьтай үргэлжилж байна. Маргааш буюу 2023.06.29-ний өдөр гэмтлийг бүрэн засварлаж, цахилгаан эрчим хүчинд холбохоор ажиллаж байна гэж салбарын яамнаас мэдээллээ.