Танилцуулга
Холбоо барих
ЭГЭЛ
Toggle navigation
Нүүр
Үйлчилгээ
Улс төр
Мэдээ, мэдээлэл
Ярилцлага
Чөлөөт сэдэв
Нийтлэл
Видео студи
Ярилцлага
Нүүр
Ярилцлага
Б.БЯМБАДОРЖ: Орон нутгийг зорих иргэдийн урсгал шинжилгээний цэгийн ачааллыг эрс нэмэгдүүлж байна
Ярилцлага
March 12, 2021
1614
Гуравдугаар сарын 1-ний өдрөөс эхлэн орон нутгийн зорчих хөдөлгөөнийг нээсэнтэй холбогдуулан шинжилгээний цэгүүдийн ачаалал эрс нэмэгдээд байгаа. Үүсээд байгаа нөхцөл байдалтай холбогдуулан Нийслэлийн Эрүүл мэндийн газрын дарга Б.Бямбадоржоос зарим зүйлийг тодрууллаа.
-Шинжилгээний цэгүүдийн ачаалал нэмэгдэж байгаатай холбогдуулан НЭМГ-аас ямар зохион байгуулалт хийж байна вэ?
-Өнөөдрийн байдлаар, нийслэлийн хэмжээнд PCR шинжилгээ хийх суурин найман цэг, халдварын ойрын болон дам хавьтлыг илрүүлэх, тандах явуулын 16 багт 120 гаруй эрүүл мэндийн ажилтан ажиллаж байна. Өнгөрсөн хоёрдугаар сарын 23-28-ны өдөр найман цэг, гуравдугаар сарын 1-8-ны өдрүүдэд 22 цэг ажиллуулсан. Харин гуравдугаар сарын 9-ний өдрөөс эхлэн шинжилгээний найман цэгийг зохион байгуулан ажиллаж байна. Ердийн үеийнхээс ачаалал эрс нэмэгдэж, өнөөдөр хоёр цэгт иргэдийн дараалал нэмэгдсэний шалтгаан нөхцөлийг тодруулахаар судалж байна. Ихэнх иргэдийн хувьд
www.eruul.gerege.mn
сайтаас авсан цаг товлолын дагуу дарааллаараа шинжилгээнд хамрагдаад хэвшсэн байгаа.
-Орон нутаг руу зорчих иргэдийн хувьд шинжилгээний 72 цагийн хүчинтэй хугацааг зааж өгсөн. Энэ хэрээр шинжилгээний цэгт ачаалал нэмэгдэж байгаа байх?
-Шинжилгээнд хамрагдах хүсэлтэй иргэдийн эрэлтийг судалж үзэхэд дийлэнх хувь нь хөдөө орон нутаг руу зорчих зорилготой байна. Гуравдугаар сарын 1-ний өдрөөс эхлэн орон нутгийн зорчих хөдөлгөөнийг нээсэнтэй холбогдуулан шинжилгээний 22 цэгийг зохион байгуулж, нэлээд өндөр хүчин чадлаар ажилласан. Энэ хүрээнд хоногт 19 мянга гаруй хүнийг шинжилгээнд хамруулж байсны хүчинд 12-15 мянган иргэн орон нутаг руу зорчиж байсан. Өчигдрийн байдлаар, авто тээврийн шалган нэвтрүүлэх товчоодоор хөдөө орон нутгаас нийслэл хотод 4000 хүн ирсэн бол, 11 мянга гаруй иргэн орон нутаг руу зорчсон байна. Тэгэхээр орон нутгийн зорчих хөдөлгөөний урсгал шинжилгээний цэгүүдийн ачаалалд тодорхой хувиар нөлөөлж байгаа.
Мөн уул уурхай болон бусад албан байгууллагын шаардлагаар PCR шинжилгээ өгөх эрэлт нэмэгдсэн. Үүн дээр албан томилолт болон амьдралын зайлшгүй шаардлагын улмаас орон нутаг руу зорчих хүсэлтэй цөөн тооны нийслэлийн иргэд нэмэгдэнэ.
Монгол Улсын Засгийн Газар, УОК, ЭМЯ, НЗДТГ-ын хэвлэл мэдээллийн сувгаар дамжуулан иргэд, олон нийтэд PCR шинжилгээг ямар нөхцөлд хийх ёстойг тасралтгүй мэдээлж байсан. PCR шинжилгээгээр тухайн агшинд уг иргэн халдвартай юу, үгүй юү гэдгийг л тогтоодог болохоос халдварын эрсдэлд өртөхгүй гэсэн баталгаа биш юм. Та нийгмийн харилцаанд орж л байгаа бол халдварт өртөх эрсдэл өндөр гэсэн үг. Тиймээс шинжилгээ өгөх гэж хэт улайрах, эсвэл шинжилгээний хариу СӨРӨГ гарсан гээд тайвшрах, халдварын эрсдэлээс урьдчилан сэргийлэх арга хэмжээг орхигдуулах мэтээр иргэдийн дунд “хөөсрөл” үүсээд байна. Эмнэлгийн тусламж үйлчилгээ авах, буяны ажилд оролцох, албан томилолт болон амьдралын зайлшгүй шаардлагын улмаас PCR шинжилгээнд хамрагдах хүсэлтэй иргэдийн эрэлтэд тулгуурлан Сар шинийн баярын өмнө болон дараах өдрүүдэд өдөрт 6000 гаруй хүнд шинжилгээ хийж байсан. Энэ бол иргэдийн ердийн эрэлт хэрэгцээнд тохирсон арга хэмжээ. Харин өнөөдөр үүссэн нөхцөл байдлын учир шалтгаан, иргэдийн эрэлт хэрэгцээг судалж үзэхээр ажиллаж байна.
-Шинжилгээний цаг авах гэхээр ойрын өдрүүдэд товлох боломжгүй, бүгд дууссан талаар иргэд хэлж байгаа. Үүнээс үүдэн цаг аваагүй иргэд шинжилгээний цэгт олноор очиж байгаа байх?
-Тийм ээ, нийслэл маань 1.5 сая хүн амтай. Ихэнх иргэд маань ажил амьдралынхаа асуудлыг зохицуулж, шинжилгээний цагаа урьдчилан авч байгаа нь аль, аль талдаа хүндрэл, чирэгдэл учруулахгүй. Товлолын дагуу шинжилгээнд хамрагдаж сурах нь соёлын нэг илэрхийлэл. Нөгөө талаас нь авч үзвэл, шинжилгээнд хамрагдах иргэдийн 20 гаруй хувийг уул уурхайн компанийн ажилчид эзэлж байна. Байгууллагаас нь шаардсаны дагуу шинжилгээнд хамрагдах цагаа орон нутаг руу зорчихоос хоёр хоногийн өмнө захиалж авч байгаа. Гэтэл шинжилгээнд хамрагдсанаас хоёр хоногийн дараа ажил төрөлдөө орох үед халдвар авахгүй гэх баталгаагүй. Тиймээс уг шинжилгээний мөн чанар, халдварын тархвар зүйн байдалд анализ хийж, нотолгоотой зөв шаардлага тавих хэрэгтэй. Энэ шаардлагыг тавиагүйн улмаас иргэдийн хэт бөөгнөрөл үүсгэх хэмжээнд эрүүл мэндийн салбарын ачааллыг нэмэгдүүлж, үйл ажиллагаанд нь хүндрэл учруулж байна.
-Өнөөдрийн байдлаар хэчнээн лаборатори ажиллаж байна вэ?
-PCR шинжилгээний сорьцыг шинжлэх 11 лаборатори ажиллаж байгаа. Эдгээр лабораторийн хүчин чадалд тохируулан өдөрт 15 мянга гаруй хүнд шинжилгээ хийвэл хариу нь өдөртөө гарах бүрэн боломжтой. Мөн дээрх 15 мянгаас 6000 нь зайлшгүй шаардлагатай иргэд байхаар тооцож, шинжилгээний суурин цэгт хамруулахаар төлөвлөж байна. Үлдсэнийг нь халдварын ойрын болон дам хавьтлыг илрүүлэх, тандах, хариу арга хэмжээ авах явуулын багийн шинжилгээнд хамруулахаар тооцсон. Энэ дагуу бид өдөр, өдөрт нь төлөвлөлт хийж, суурин найман цэг болон явуулын 16 багийг зохион байгуулан ажиллаж байгаа.
-Тэгэхээр шинжилгээний цэгийн тоог нэмэх шаардлагагүй, энэ хүчин чадлаараа ажиллах боломжтой гэж үзэж байна уу?
-Тийм. PCR шинжилгээг зайлшгүй хийлгэх шаардлага, нотолгоонд суурилсан зөв шаардлагыг бид авч үзэх хэрэгтэй. Хэдийгээр өртөг өндөртэй боловч Засгийн газраас ард иргэдээ үнэ төлбөргүй шинжилгээнд хамруулах ажлыг зохион байгуулж байна. Олон улсын түвшинд манай улс ард иргэдээ хамгийн өргөн хүрээнд шинжилгээнд хамруулсан байдлаараа тэргүүн эгнээнд явж байгаа. Нэг талаараа, бид ард иргэддээ нийгмийн эрүүл мэндийн тусламжийг авах чанар, хүртээмжийг нэмэгдүүлж байгаа боловч нөгөө талаасаа заавал шинжилгээнд хамрагдах ёстой гэсэн хэт үндэслэл, нотолгоогүй шаардлагыг тавьж байна. Голомтын өргөтгөсөн тандалт, судалгаанд хэрэглэгддэг шинжилгээний аргаар PCR шинжилгээг хийх нь зүйтэй гэдгийг хэлээд байгаа юм л даа.
-Шинжилгээний цэг, дархлаажуулалт, халдварын тандалт илрүүлэг гээд эрүүл мэндийн салбарынхан ачаалалтай ажиллаж байгаа байх?
-Тэгэлгүй яах вэ. Өнөөдөр эрүүл мэндийн салбарынхан маань маш олон ажлыг давхар хийж, ачааллыг үүрээд явж байна. Сүүлийн 120 гаруй хоногийн хугацаанд халдварын ойрын болон дам хавьтлын шинжилгээ, тусгаарлах байр болон гэрийн тусгаарлалтад байгаа иргэдийн үзлэг, хяналт, авто тээврийн шалган нэвтрүүлэх товчоодод зохион байгуулж буй эрүүл мэндийн хяналт, суурин цэгийн болон явуулын шинжилгээ, халдварын эсрэг вакцины дархлаажуулалт зэрэг ажлыг зохион байгуулж байна. Хамгийн чухал нь, энэ олон ажлын хажуугаар манай Өрх, дүүргийн Эрүүл мэндийн төв, нэгдсэн эмнэлгийнхэн ард иргэддээ эрүүл мэндийн тусламж үйлчилгээгээ тасралтгүй үзүүлж, үндсэн үйл ажиллагаагаа орхигдуулахгүй ажиллаж байгаа. Нийслэлийн эрүүл мэндийн албанд нийтдээ 7000 гаруй ажилтан, албан хаагч ажиллаж байна. Ард иргэд маань халдвар хамгааллын дэглэмээ баримталж, хүн хоорондын зай барьж, урьдчилан сэргийлэх заавар зөвлөмжийг хэрэгжүүлээд явбал халдварт өртөх эрсдэлээс өөрийгөө хамгаалж чадна. Заавал шинжилгээ хийлгэснээр өөрийгөө хамгаална гэсэн үг биш. Халдварын шинж тэмдэг илэрсэн хүмүүсийг бид голомтын өргөтгөсөн тандалт шинжилгээнд хамруулж, хавьтлыг тодорхойлох, халдварыг хумих байдлаар ХӨСҮТ-тэй хамтран ажиллаж байгаа.
Санал болгох
Р.Галбадрах: Хөгжлийн бэрхшээлийг эрт илрүүлбэл эмчлэх болом...
Sep 20, 2021
990
Л.БАТЖАРГАЛ: БАРИЛГЫН САЛБАР НЬ УЛС ОРНЫ ХӨГЖЛИЙГ ТОДОРХОЙЛД...
Nov 30, -0001
402
С.Болормаа: Сургуулийн орчинд тээврийн хэрэгслийн түр зогсоо...
Jul 04, 2023
2913
Сэтгэгдэлүүд
Хамтрагч байгууллагууд
Сүүлд нэмэгдсэн
Их уншигдсан
Он гарсаар нийт 44 удаагийн ой хээрийн түймэр ...
April 23, 2024
454
Кемпински Хаан Палас зочид буудал эмзэг бүлгий...
April 11, 2024
2005
6 сарын 14-ны өдөр бүх нийтээр амардаг болох у...
April 08, 2024
2479
"Эрдэнэс Тавантолгой" ХК-ийн 2023 он...
April 02, 2024
3236
Дөрөвдүгээр сард ихэнх нутгаар олон жилийн дун...
March 26, 2024
4331
"Ойлгоё, найзалъя, бүтээе"
March 21, 2024
4919
World Chess Hall of Fame буюу "Дэлхийн ша...
March 14, 2024
5913
Нарийн ноост мерино үүлдрийн хургануудыг амжил...
March 13, 2024
6010
Өнөө маргаашдаа ихэнх нутгаар дулаарна
March 11, 2024
6317
"Үндэсний эвсэл"-ийн тэргүүн Н.Номто...
March 10, 2024
6410
Монголбанк хоёрдугаар сард 1281 кг үнэт металл...
March 04, 2024
7267
Эмгэнэл: Цэдэнбалжирын Тамара /1947-2024/
March 02, 2024
12299
“Оюутан цэрэг” хөтөлбөрийн цахим б...
February 29, 2024
7863
Ирэх сарын эхээр нутгийн баруун хагаст хүйтний...
February 27, 2024
8130
Онц шаардлагагүй бол хөдөө замд гарахаа азнаар...
February 16, 2024
9632
1 сард 127 мянга 205 ширхэг сарнай цэцэг импор...
February 16, 2024
9630
Сар шинийн өдрүүдэд долоон иргэний амь насыг а...
February 13, 2024
10017
Анзаарагддаггүй өвчнүүдийн дэлхийн өдөр
January 30, 2024
11943
Ирэх сарын дундуур олон жилийн дунджийн орчим ...
January 26, 2024
12493
Эх хүүхдийн эрүүл мэндийн үндэсний төвд 2023 о...
January 24, 2024
12784
Зам даваа гаргахад шаардлагатай авто грейдерий...
January 18, 2024
13163
Эх хүүхдийн эрүүл мэндийн үндэсний төвд 2023 о...
January 24, 2024
12784
Ирэх сарын дундуур олон жилийн дунджийн орчим ...
January 26, 2024
12493
Нярайн эмгэг шарлалт
February 23, 2020
12433
Эмгэнэл: Цэдэнбалжирын Тамара /1947-2024/
March 02, 2024
12299
8000 тонн нөөцийн мах бэлтгэнэ
December 08, 2023
12182
Манай улс жилдээ 30 мянган тонн ноос ашигладаг...
January 12, 2024
12155
2023 онд нийт 17.7 мянгөн өрх газар тариалан э...
January 17, 2024
11959
Анзаарагддаггүй өвчнүүдийн дэлхийн өдөр
January 30, 2024
11943
Эрчим хүчний сүлжээнд ашиглах том чадлын батар...
November 07, 2023
11928
Өсөлтгүй жирэмслэлт
February 20, 2020
11750
Д.Жаргал: Барилгын компаниудын хариуцлагыг өнд...
January 10, 2024
11654
Байшингаа дулаалж эрчим хүчээ хэмнэцгээе.
November 13, 2023
11560
Үхсэн юм шиг зараа хэвтэж байвал ичих гэж яваа...
November 30, 2023
11528
Үнэт металл, үнэт чулуу, үнэт эдлэлийн салбары...
November 29, 2023
11417
Өрхийн эмнэлгүүд амралтын өдрөөр ажиллана.
December 07, 2023
11294
Өгсүүр, алслагдсан болон зуслангийн замуудад 6...
December 05, 2023
11243
Нийгмийн хариуцлагатай бичил уурхайчид
December 20, 2023
11182
Анх удаа орон сууц худалдаж авсан болон сургал...
January 02, 2024
11124
Баярын ширээ засах дундаж өртөг 150 мянган төг...
December 21, 2023
11122
Радио поскаст
flicker images