Өнгөрсөн шөнө 203 согтуу жолооч илрүүлжээ

Өнгөрсөн шөнө 203 согтуу жолооч илрүүлжээ

Мэдээ, мэдээлэл

May 13, 2023

1227

“Уусан бол бүү жолоод” шөнийн хяналт шалгалтаар
1. Согтуугаар тээврийн хэрэгсэл жолоодсон зөрчил-203
2. Эрхгүй үедээ тээврийн хэрэгсэл жолоодсон-92
3. Эрэн сурвалжлагдаж байсан-7 хүн
4. Гэмт хэрэг, зөрчлийн шинжтэй үйлдэл-14 тус тус илрүүлжээ.
Өнгөрсөн оны эхний 6 сард 43 хүн амь эрсэджээ.
Өнгөрсөн оны эхний хагаст гэхэд зөвхөн согтуу жолоочийн буруутай үйлдлээс 541 осол гарч, улсын хэмжээнд 43 хүний амь нас эрсэдсэн судалгаа байна.

Согтуугаар тээврийн хэрэгсэл жолоодох гэдэг санаатай үйлдэл.
Учирч болох эрсдэлийг мэдсээр байж согтуугаар жолооны ард сууна гэдэг 100 хувь хүний ухамсар, төлөвшилтэй холбоотой асуудал.
Олны танил хүмүүс ч согтуугаар тээврийн хэрэгсэл жолоодож хүн хохироосон тохиолдол цөөнгүй.
Тодруулбал: цахим орчинд болон ажил амьдрал дээр олны танил, хүүхэд залуус үгийг нь сонсож, үйлдлийг нь даган дуурайдаг хүмүүс ч согтуугаар жолоо барьж осол гаргах тохиолдлууд гардаг ч нуун дарагдуулаад өнгөрөх нь элбэг. Нөгөө талд ядуу, мөнгөгүй хүн гарах эрсдлийг тооцоолдог бол мөнгөтэй овилгон хүн түүндээ эрдэж согтуугаар жолооны хүрдний ард суух нь ч бий.
Согтуу жолоочоос болж маш олон гэмгүй хүн бүх талаараа хохирдог.
Энэ бүхний эцэст согтуу жолоочийн балгаар маш олон гэмгүй хүн эрүүл мэнд, амь нас, эд хөрөнгө, цаг хугацаа, ажил төрлөөрөө зүгээр л хохироод үлддэг нь харамсалтай.
Тэгвэл харамсахгүйн тулд хуулиа чангаруулая.
Дэлхийн бусад оронд согтууруулах ундаа хэрэглэсэн үед тээврийн хэрэгсэл жолоодсон тохиолдолд ямар торгууль, ял шийтгэл байдгийг сонирхвол:
• Беларуст автомашиныг улсын өмч болгон хурааж жолоочийг 1,200 ам.доллар орчим хэмжээний торгууль төлүүлдэг. Ноцтой тохиолдолд 10 хүртэл жилийн ял онооно
• Америкт муж болгон өөрийн гэсэн хууль дүрэмтэй ба хамгийн хатуу шийтгэлийг Иллинойс мужид оноодог. Энд согтууруулах ундаа хэрэглэсэн үед автомашин жолоодвол насан турш жолоодох эрхийг хасч 3 жилийн ял оноож 25,000 ам.доллар торгууль төлүүлдэг
• Хятадад согтууруулах ундаа хэрэглэсэн үед зам тээврийн осол гаргаж, хүний амь нас эрсэдсэн тохиолдолд цаазлах ял оноодог. Ноцтой аваар осол гаргаагүй тохиолдолд 1-6 сарын хугацаатай хорих ял оноож 3 жилийн хугацаатай жолоодох эрхийг хасдаг. Жолоочийн цусанд спиртийн агууламж огт байхгүй байх журамтай
•Японд жолооч торгуулахаас гадна жолоочийг зогсоогоогүй цуг яваа зорчигчийг торгодог. Жолооч согтууруулах ундаа хэрэглэсэн тохиолдолд цуг яваа насанд хүрсэн иргэн болгон 3,000 ам.доллар орчмын торгууль төлөх үүрэгтэй. Согтууруулах ундаа хэрэглэсэн үед зам тээврийн осол гаргаж хэргийн газраас зугтсан тохиолдолд 10 хүртэл жилийн ял оноож 1 сая орчим иен торгууль төлүүлдэг
• Франц улсад цусан дахь спиртийн агууламж 0.8 промиль хүртэл байвал шүүхэд дуудагдаж 135 евро торгууль төлдөг. 0.8 промиль-с өндөр бол 4,500 евро торгууль төлнө. Зам тээврийн осол гаргасан тохиолдолд 35,000 евро хүртэл торгууль төлнө. Хүний амь нас эрсэдсэн бол 150,000 евро хүртэл торгууль төлж 10 хүртэл жилийн ял оноодог байна.