Т.Туяа: "Хурууны математик ведийн математик” онлайн сургалтаараа дэлхийн өнцөг булан бүрт байгаа хүүхэд, гэр бүлтэй уулзахаар догдолж байна

Ярилцлага
March 11, 2020
1406

-Сайн байна уу? Танд энэ өдрийн мэндийг хүргэе. Таныг Монголын олон үрсийг тив дэлхийд нэрээ дуурсгасан цээж тооллын аваргууд, соробан сампингийн хорхойтнууд болгож байгаагаар уншигчид маань таних болов уу? Энэ хөл хориотой үед  Туяа багш маань хүүхэд багачуудад математикийн арифметик үйлдлүүдийг сонирхолтой бөгөөд хурдтайгаар бодох онлайн сургалт хийх гэж байгаа тухай сонсоод ярилцлага авахыг хүслээ. Нэрнээсээ эхлээд сонирхол татаж байна. “Хурууны математик ба ведийн математик” сургалтын гол онцлог нь юу вэ?

-Баярлалаа. Манай сургалтанд хүрд л мэддэг бол 8-80 насны бүх хүмүүс хамрагдах боломжтой . Бага, дунд ангийнхан хялбар, хурдтай, сонирхолтой аргаар суралцах бол ахлах ангийнхан болон оюутнуудад богино хугацаанд арифметикийн үйлдлүүдийг хийж сурсанаар шалгалтанд богино хугацаанд тестийг амжилттай бөглөх боломж бүрдэнэ. Японд 2003 оноос ахмад настануудад зориулан арифметикийн энгийн үйлдлүүдийг богино хугацаанд хийснээр ой тогтоолт санах ой сэргэж, зарим насжилттай холбоотой өвчнүүдээс урьдчилан сэргийлнэ гэж үзэж тусгай хөтөлбөр болгон хэрэгжүүлдэг байна.

-Заавал хүүхдүүд гэлтгүй сонирхсон хүн бүр нэгдэж болох нь ээ?

-Сургалтанд маань 8-80 настан суралцах боломжтой гэж дээр хэлсэн. Математик бол хүн бүрийн сонирхолыг татдаг гайхалтай сайхан зүйл юм шүү дээ. Энэ удаагийн маань сургалт онлайн хэлбэрээр зохион байгуулагдах гэж  байгаа тул  гэр бүлээрээ  хамтдаа суралцах боломж бүрдэж байгаад олзуурхаж байна. Гэр бүлийн гишүүд хамтдаа сонирхолтой аргачлалтай танилцаж ой тогтоолтоо сайжруулсанаар халуун дулаан, сайхан уур амьсгал ч бүрдэх юм. Хөл хорионоос үүдээд багачууд маань гадагш гарч сургалт дугуйланд хамрагдах боломжгүй байдалтай уйдаж хийцгүйрч байгааг эцэг эхчүүд ярьж байна. Хэд хэдэн гэр бүлээс онлайн сургалт хийх хүсэлт ирсэн учраас  миний бие “Хурууны математик ба ведийн математик” сургалтаа зарлаж байгаадаа баяртай байна.

 

-Энэ сургалт маань хүүхдүүдийн хүмүүжилд  ч бас гүн гүнзгий нөлөөлөх юм шиг санагдлаа. Оюун сэтгэлгээг сайжруулахаас гадна хүмүүжил, сэтгэл зүйд нөлөөлөх ач холбогдолын талаар та хуучлаач?нь уйдахааргүй, бараг тоглоом шиг нөлөөлөх юм байна шүү дээ?

-. Хүүхдүүд тоо бодохдоо заавал ширээний ард суугаад бичихгүйгээр гараа ашиглан цээжээр бодож болдог болохыг өөрийн биеэр мэдэрч маш богино хугацаанд өндөр үр дүнг гаргаж чаддаг. Иймэрхүү тоглоом наадгай шиг аргаар хичээллэх нь уйдаахгүй, ядраахгүй бас хөгжилтэй болохыг хүүхдүүд хэлдэг л дээ. Тэгэхээр бүгдээрээ хамтдаа хийж үзэж байж илүү гоё сайхныг нь, олон талын гайхалтай нөлөөг нь  мэдрэх нь байна шүү дээ.

-Эцэг эхчүүд энэ сургалтаас юуг ойлгох, танин мэдэх боломжтой вэ?

-Манай Тояа Академийн дэргэдэх Боловсролын Зөвлөлгөө өгөх төвөөс Аймгуудын Боловсролын газартай хамтран 1000 гаруй багш нарт сургалтын шинэ арга зүйн сургалтыг өнгөрсөн 5 жилд зохион байгууллаа. Оны өмнө бид Ховд аймгийн 100 багшид сургалт явууллаа.

“Хурууны математик ба Ведийн математик” сургалтанд суусан хүүхдүүд маань их сонирхолтой учраас аав, ээж, ах эгч гэр бүлдээ зааж бичлэгээ бидэнд илгээдэг нь хүүхэд бусадтай харилцах, гэр бүлийн харилцаа улам дотносох, бусдад өөрийгөө таниулах хэрэгцээ нь илүү их хөгждөгийг харуулж байна.

-Сургалтад бүртгүүлэхийг хүсвэл ямар утсаар холбоо барих вэ? Үнэ төлбөрийг талаар уншигчид маань сонирхож байгаа болов уу?

- Энэхүү “Хурууны математик ведийн математик” онлайн сургалтаараа эх орныхоо төдийгүй дэлхийн өнцөг булан бүрт байгаа хүүхэд, гэр бүлтэй уулзахаар догдолж байна. Амжаад бүртгүүлээрэй. Манай сургалт 3.15 наас эхлэн долоо хоногийн 4 өдөр өдөр өдөр бүр 1 цаг 20 минут явагдана, доорх линкээр орж бүртгүүлээд төлбөрөө төлж баталгаажсанаар суух эрхээ авна.

https://docs.google.com/forms/d/e/1FAIpQLSfwUXODloTGVEicJdhzCi0UDyDTQyBq5C4zwmbWB8dj5IaRFw/viewform?usp=sf_link

-Үнэхээр сонирхолтой санагдаж байна.  Хөл хорионд байгаа хүүхдүүд, өвөө эмээ, гэр бүлээрээ Т.Туяа багшийн сонирхолтой сургалтад хамрагдах нь дархлаагаа дэмжих бас нэг арга болж чадахаар санагдаж байна. Таны сургалтад амжилт хүсье.

-За баярлалаа. Та бүхэнд ч бас амжилт ерөөе.

Сэтгэгдэлүүд