Дорнодын оюутнууд амны хөндийн эрүүл мэндийн үзлэгт зориулж 16 сая төгрөгийг аймгийнхаа төсөвт суулгаж чаджээ

Дорнодын оюутнууд амны хөндийн эрүүл мэндийн үзлэгт зориулж 16 сая төгрөгийг аймгийнхаа төсөвт суулгаж чаджээ

Мэдээ, мэдээлэл

May 10, 2020

1733

Швейцарийн хөгжлийн агентлаг, Дэлхийн банкны дэмжлэгтэйгээр хэрэгжсэн Монгол улсад нийгмийн эгэх хариуцлагыг сайжруулах төслийн дэд төсөл болох Нийгмийн эгэх хариуцлага- залуусын оролцоо төслийг Монголын эдийн засгийн судалгаа шинжилгээний төвөөс 2 дахь жилдээ хэрэгжүүлж байна.
Төсөл өнгөрсөн онд эссэ бичлэг, парламентийн мэтгэлцээний хэлбэрээр 1000 гаруй залуусд нийгмийн эгэх хариуцлага түүнд оюутан залуусын оролцооны талаарх ойлголт мэдлэгийг түгээн амжилттай хэрэгжсэн. Харин энэ жил мэдлэгийг бодит болгох зорилго тавьж оюутан залуусд хамгийн тулгамддаг эрүүл мэндийн асуудлыг хөндөж, асуудлыг шийдэх гарц гаргалгааг тэдэнтэй хамтран эрэлхийлж, бодит үр дүнд хүрч чадсан байна.
Төслийн уралдааны эхний шатны шалгаруулалтыг нийслэл орон нутгийн 20 гаруй их дээд сургуулийн 300 гаруй оюутны дунд хакатоны журмаар буюу өгөгдсөн сэдвийн хүрээнд богино хугацаанд баг бүрдүүлж оновчтой шинэ санааг боловсруулах зарчмаар явуулжээ.

Эхний шатнаас 108 баг шалгарч үлдсэнээс сүүлийн шатанд Ховд, Дорнод, Дархан, Эрдэнэт, Улаанбаатар хотоос 12 баг шалгарч үлджээ. Ингээд 5 дугаар сарын 1-ний өдөр хоёр сарын хугацаанд өөрсөддөө тулгарсан эрүүл мэндийн асуудлаа орон нутгийн төрийн байгууллагуудтай хамтран шийдвэрлэж үр дүнд хүрч чадсан багуудаасаа шилдэгийн шилдэг 2 багийг шалгарууллаа.
Дэлхийг хамарсан цар тахал Covid-19-өөс шалтгаалж төслийн шалгаруулалтыг техникийн дэвшлийг ашиглан онлайнаар зохион байгуулсан.

Ингээд Дорнод аймгийн Оюунтан баг эрүүл шүд эрүүл оюутан төслийг хэрэгжүүлж аймгийнхаа төсөвт 16 сая төгрөг суулган 200 оюутныг амны хөндийн эрүүл мэндийн үзлэг оношлогоо, эмчилгээнд хамруулахаар болсон амжилтаар шилдэгээр шалгарлаа. Харин Улаанбаатар хотын МУИС-н үзээд алдах уу баг оюутнуудын нөхөн үржихүйн эрүүл мэндийн төсөл хэрэгжүүлж шинжилгээг зуршил болгож сургуулийнхаа оюутнуудыг жилд 2 удаа шинжилгээнд хамруулахаар болж дараагийн шилдэг багаар шалгарчээ.

Улс орны хөгжлийн түүчээ оюутан залуусаа дэмжиж, оролцох эрх, боломжоор хангавал тэд өөрт тулгарсан, улс орныхоо ирээдүйд тулгарч буй асуудлуудыг шийдэж, шийдвэрлүүлж чадах боломжой гэдгийг Нийгмийн эгэх хариуцлага залуусын оролцоо төсөл, түүний үр дүнгээс харагдаж байна.